किंचायमरिदुर्वारः पाणी पाशः प्रचेतसः।
मन्त्रेण हतवीर्यस्य फणिनो दैन्यमाश्रितः॥२१॥

कुबेरस्य मनःशल्यं शंसतीव पराभवम्।
अपविद्धगदो बाहुर्भग्नशाख इव द्रमः॥२२॥

यमोऽपि विलिखन् भूमि दण्डेनास्तमितत्विषा।
कुरुतेऽस्मि*न्नमोघेऽपि निर्वाणालातलाघवम्॥२३॥
* अस्मिन् दण्डे।

अमी च कथमादित्याः प्रतापक्ष तिशीतलाः।
चित्रन्यस्ता इव गताः प्रकोमालोकनीयताम्॥२४॥

पर्याकूलत्वान्मरुतां वेगभङ्गोऽनुमीयते।
अम्भसामोघसंरोधः प्रतीपगमनादिव॥२५॥

आवर्जित-जटामौलि-विलम्वि-शशिकोटयः।
रुद्राणामपि मूर्धानः क्षतहुंकारशंसिनः॥२६॥

लब्धप्रतिष्ठाः प्रथमं यूयं कि बलवत्तरैः।
अपवादेरिवोत्सर्गाः कृतव्यावृत्तयः परैः॥२७॥

तद व्रत वत्साः किमितः प्रार्थयध्वं समागताः।
मयि सृष्टिहिं लोकानां रक्षा युष्मास्ववस्थिता॥२८॥

ततो मन्दानिलोद्धत-कमलाकर-शोभिना।
गुरु नेत्रसहस्रेण चोदयामास वासवः॥२९॥

स द्विनेत्रं हरेश्चक्षुः सहस्रनयनाधिकम्।
वाचस्पतिरुवाचेदं प्राञ्जलिर्जलजासनम्॥३०॥

...Prev | Next...