तगौरवान्मङ्गलमण्डनश्रीः सा पस्पृशे केवलमीश्वरेण।
स एव वेषः परिणेतुरिष्टं भावान्तरं तस्य विभोः प्रपेदे ॥३१॥

बभूव भस्मैव सिताङ्गरागः कपालमेवामलशेखरश्रीः।
उपान्तभागेषु च रोचनाङ्को गजाजिनस्यैव दुकूलभावः ॥३२॥

१शङ्खान्तरद्योति विलोचनं यदन्तर्निविष्टमलपिङ्गतारम्।
सान्निध्यपक्षे हरितालमय्यास्तदेव जातं तिलकक्रियायाः॥३३॥

यथाप्रदेशं भुजगेश्वराणां करिष्यतामाभरणान्तरत्वम्२।
शरीरमात्र विकृति प्रपेदे तथैव तस्थुः फणरत्नशोभाः॥३४॥
---------------------------
१, शङ्खः कपालास्थि.
२. अन्तरं भेदः॥

दिवापि निष्ठभूतमरीचिभासा वाल्यादनाविष्कृतलाञ्छनेन।
चन्द्र ण नित्यं प्रतिभिन्नमौलेश्चूडामणेः किं ग्रहणं हरस्य॥३५॥

इत्यद्भुतैकप्रभवः प्रभावात् प्रसिद्धनेपथ्यविधेविधाता।
आत्मानमासन्नगणोपनीते खड्गे निषक्तप्रतिम ददर्श॥३६॥

स गोपति नन्दिभुजावलम्बी शार्दू लचर्मान्तरितोरुपृष्ठम्।
तद्भक्तिसंक्षिप्तबृहत्प्रमाणमारुह्य कैलासमिव प्रतस्थे॥३७॥

तं मातरो देवमनुव्रजन्त्यः स्ववाहनक्षोभचलावतंसाः।
मुखेः प्रभामण्डलरेणुगौरैः पद्माकरं चक्रुरिवान्तरीक्षम् ॥३८॥

तासां च पश्चात् कनकप्रभाणां काली कपालाभरणा चकासे।
बलाकिनी नीलपयोदराजी दूरं पुरःक्षिप्तशतहदेव॥३९॥

ततो गणैः शुलभृतः पुरोगैरुदीरितो मङ्गलतूर्यघोषः।
विमानशृङ्गाण्यवगाहमानः शशंस सेवावसरं सुरेभ्यः॥४०॥

...Prev | Next...