एवं वाच्यः स कन्यार्थमिति वो नोपदिश्यते।
भवत्प्रणीतमाचारमामनन्ति हि साधवः॥३१॥

अर्याप्यरुन्धती तत्र व्यापार कर्तुमर्हति।
प्रायेणैवंविध कार्ये पुरन्ध्रीणां ' प्रगल्भता ॥३२॥

तत्प्रयातौषधिप्रस्थं सिद्धये हिमवत्पुरम्।
महाकोशीप्रपातेऽस्मिन् संगमः पुनरेव नः ॥३३॥

तस्मिन् संयमिनामाचे जाते. परिणयोन्मुखे।
जहुः परिग्रहवीडां प्राजापत्यास्तपस्विनः॥३४॥

ततः परममित्युक्त्वा प्रतस्थे मुनिमण्डलम्।
भगवानपि संप्राप्तः प्रथमोद्दिष्टमास्पदम्॥३५॥

ते चाकाशमसिश्याममुत्पत्य परमर्षयः।
आसेदुरोषधिप्रस्थं मनसा समरंहसः ॥३६॥

कुमारसंभवम्, अलकामतिवाह्येव वसति वसुसंपदाम्।
स्वर्गाभिष्यन्दवमनं कृत्वेवोपनिवेशितम्॥३७॥

गङ्गास्रोतः-परिक्षिप्तं वप्रान्तज्वलितौषधि।
बृहन्मणिशिलासालं गुप्तावपि मनोहरम् ॥३८॥

जितसिंहभया नागा यत्राश्वा बिलयोनयः।
यक्षाः किम्पुरुषाः पौरा योषितो वनदेवताः॥३९॥

शिखरासक्तमेघानां व्यज्यन्ते यत्र वेश्मनाम्।
अनुगजितसंदिग्धाः करणैर्मुरजस्वनाः ॥४०॥

...Prev | Next...