लतागृहद्वारगतोऽथ नन्दी वामप्रकोष्ठापितहेमवेत्रः।
मुखापितैकाङ्गुलिसंज्ञयैव मा चापलायेति गणान् व्यनैषीत्॥४१॥

निष्कम्पवृक्षं निभृतद्विरेणं मूकाण्डजं शान्तमृगप्रचारम्।
तच्छासनात् काननमेव सर्वं चित्रापितारम्भमिवावतस्थे॥४२॥

दृष्टिप्रपातं परिहृत्य तस्य काम: पुरः शुक्रमिव प्रयाणे।
प्रान्तेषु संसक्तनमेरुशाखें ध्यानास्पदं भूतपतेविवेश॥४३॥

स देवदारुद्रुमवेदिकायां शार्दू लचर्मव्यवधानवत्याम्।
आसीनमासन्नशरीरपातस्त्रियम्वकं संयमिनं ददर्श॥४४॥

पर्यङ्बन्धस्थिरपूर्वकायमज्वायतं सन्नमितोभयांसम्।
उत्तानपाणिद्वयसन्निवेशात् प्रफुल्लराजीवमिवाङ्मध्ये ॥४५॥

भुजङ्गमोन्नद्धजटाकलापं - कर्णावसक्तद्विगुणाक्षसूत्रम्।
कण्ठप्रभासङ्गविशेषनीलां कृष्णत्वचं ग्रन्थिमतीं दधानम्॥४६॥

किंचित्प्रकाशस्तिमितोग्रतारैर्धेविक्रियायां विरतप्रसङ्गः।
नेत्रैरविस्पन्दितपक्ष्ममालैर्लक्ष्यीकृतघ्राणमधोमयूखैः॥४७॥

अवृष्टिसंरम्भमिवाम्बुवाहमपामिवाधारमनुत्तरङ्गम्।
अन्तश्चराणां मरुतां निरोधान्निवातनिष्कम्पमिव प्रदीपम्॥४८॥

कपालनेत्रान्तरलब्धमार्गेज्यतिःप्ररोहैरुदितैः शिरस्तः।
मृणालसूत्राधिकसौकुमार्या बालस्य लक्ष्मीं ग्लपयन्तमिन्दोः॥४९॥

मनो नवद्वारनिषिद्धवृत्ति हृदि व्यवस्थाप्य समाधिवश्यम्।
यमक्षरं क्षेत्रविदो विदुस्तमात्मानमात्मन्यवलोकयन्तम्॥५०॥

...Prev | Next...