तस्य कल्पितपुरस्क्रियाविधेः शुश्रुवान् वचनमग्रजन्मनः।
उच्चचाल बलभित्सखो वशी सैन्यरेणुमुषितार्कदीधितिः॥५१॥

आससाद मिथिलां स वेष्टयन् पीडितोपवनपादपां बलैः।
प्रीतिरोधमसहिष्ट सा पुरी स्त्रीव कान्तपरिभोगमायतम्॥५२॥

तौ समेत्य समये स्थितावुभौ भूपती वरुणवासवोपमौ।
कन्यकातनयकौतुकक्रियां स्वप्रभावसदृशीं वितेनतुः॥५३॥

पार्थिवीमुदवहद् रघूवहो लक्ष्मणस्तदनुजामथोर्मिलाम्।
यौ तयोरवरजौ वौजसौ तौ कुशध्वजसुते सुमध्यमे॥५४॥

ते चतुर्थसहितास्त्रयो बभुः सुनवो नववधूपरिग्रहाः।
सामदानविधिभेदनिग्रहाः सिद्धिमन्त इव तस्य भूपतेः॥५५॥

ता नराधिपसुता नृपात्मजैस्ते च ताभिरगमन् कृतार्थताम्।
सोऽभवद् वरवधूसमागमः प्रत्यय-प्रकृति-योगसन्निभः॥५६॥

एवमात्तरतिरात्मसंभवाँस्तान् निवेश्य१ चतुरोऽपि तत्र सः।
अध्वसु त्रिषु विसृष्टमैथिलः स्वां पुरी दशरथो न्यवर्तत॥५७॥

तस्य जातु मरुतः प्रतीपगा वत्र्मसु ध्वजतरुप्रमाथिनः।
चिक्लिशुभृ शतया वरूथिनीमुत्तटा इव नदीरयाः स्थलीम्॥५८॥

लक्ष्यते स्म तदनन्तरं रविर्बद्धभीमपरिवेषमण्डलः।
वैनतेयशमितस्य भोगिनो भोगवेष्टित इव च्युतो मणिः॥५९॥

श्येनपक्षपरिधूसरालकाः सांध्यमेघरुधिराद्र वाससः।
अङ्गना इव रजस्वला दिशो नो वभूवुरवलोकनक्षमाः॥६०॥
---------------------------
१. निवेश्य विवाह्य, ‘निवेशः शिविरोद्वाहविन्यासेषु'वि. म.हे, द्र. शा. ४॥२०॥

...Prev | Next...