अवनिमेकरथेन वरूथिना जितवतः किल तस्य धनुर्भातः।
विजयदुन्दुभितां ययुरर्णवा घनरवा नरवाहनसंपदः॥११॥

शमितपक्षवलः शतकोटिना शिखरिणां कुलिशेन पुरन्दरः।
सशरवृष्टिमुचा धनुषा द्विषां स्वनवता नवतामरसाननः॥१२॥

चरणयोर्नखरागसमृद्धिभि-मैकुटरत्नमरीचिभिरस्पृशन्।
नृपतयः शतशो मरुतो यथा शतम खं तमखण्डितपौरुषम्॥१३॥

निववृते स महार्णवरोधसः सचिवकारितबालसुताञ्जलीन्।
समनुकम्प्य सपत्नपरिग्रहाननलकानलकानवमां पुरीम्॥१४॥

उपगतोऽपि च मण्डलनाभितामनुदितान्यसितातपवारणः।
श्रियमवेक्ष्य स रन्ध्रचलामभूदनलसोऽनलसोमसमद्युतिः॥१५॥

तमपहाय ककुत्स्थकुलोद्भवं पुरुषमात्मभुवं च पतिव्रता।
नृपतिमन्यमसेवत देवता संकमला कमलाघवमथिषु ॥१६॥

तमलभन्त पति पतिदेवताः शिखरिणामिव सागरमापगाः।
मगधकोसलकेकयशासनां दुहितरोऽहितरोपितमार्गणम्॥१७॥

प्रियतमाभिरसौ तिसृभिर्बभौ तिसृभिरेव भुवं सह शक्तिभिः।
उपगतो विनिनीषुरिव प्रजा हरिहयोऽरिहयोगविचक्षणः ॥१८॥

स किल संयुगमृध्नि: सहायतां मघवतः प्रतिपद्य महारथः।
स्वभुजवीर्यमगापयच्छितं सुरवधूरवधूतभयाः शरैः॥१९॥

क्रतुषु तेन विसर्जितमौलिना भुजसमाहृतदिग्वसुना कृताः।
कनकयूपसमुच्छ्यशोभिनो वितमसा तमसासरयूतटाः ॥२०॥

...Prev | Next...