बलमार्तभयोपशान्तये विदुषां सत्कृतये बहुश्रुतम्।
वसु तस्य विभोर्न केवलं गुणवत्तापि परप्रयोजना॥३१॥

स कदाचिदवेक्षितप्रजः सहू देव्या विजहार सुप्रजाः।
नगरोपवनेशचीसखो मरुतां पालयितेव नन्दने॥३२॥

अथ रोधसि दक्षिणोदधेः श्रितगोकर्णनिकेतमीश्वरम्।
उपवोणयितुं ययौ रवेरुदयावृत्तिपथेन नारदः ॥३३॥

कुसुमैग्रंथितामपाथिर्वः स्रजमातोद्यशिरोनिवेशिताम्।
अहरत् किले तस्य वेगवानधिवासस्पृहयेव मारुतः॥३४॥

भ्रमरैः कुसुमानुसारिभिः परिकीण परिवादिनी मुनेः।
ददृशे पवनावलेपजे सृजती वाष्पमिवाञ्जनाविलम्॥३५॥

अभिभूय विभूतिमार्तवीं मधुगन्धातिशयेन वीरुधाम्।
नृपतेरमरस्रगाप सा दयितोरुस्तनकोटि- १सुस्थितिम् ॥३६॥

क्षणमात्रसखीं सुजातयोः स्तनयोस्तामवलोक्य विह्वला।
विमिमील नरोत्तमप्रिया हृतचन्द्रा२ तैम सेव कौमुदी॥३७॥

वपुषा करणोज्झितेन सा निपतन्ती पतिमप्यपातयत्।
ननु तैलनिषेकविन्दुना सह दोपार्चिरुपैति मेदिनीम्॥३८॥

उभयोरपि पाश्र्ववर्तिनां : तुमुलेनार्त रवेण वेजिताः।
विहगा: कमलाकरालयाः समदुःखा इव तत्र चुक्रुशुः॥३९॥

नृपतेयंजनादिभिस्तमो नुनुदे सा तु तथैव संस्थिता।
प्रतिकारविधानमायुषः सति शेषे हि फलाय कल्पते॥४०॥
---------------------------
१. '०रश्छदकोटिषु स्थि०' हे. अत्र बहुत्वं व्यर्थम्।
२. तमसा राहुणा।

...Prev | Next...