कश्चिद् द्विषत्खङ्गहृतोत्तमाङ्गः सद्यो विमानप्रभुतामुपेत्य।
वामाङ्गसंसक्तसुराङ्गनः स्वं नृत्यत्कवन्धं समरे ददर्श॥५१॥

अन्योन्यसूतोन्मथनादभूतां तावेव सूतौ रथिनौ च कौचित्।
व्यश्व गदाव्यायतसंप्रहारो भग्नायुधौ बाहुविमर्दनिष्ठौ॥५२॥

परस्परेण क्षतयोः प्रहरुत्क्रान्तवाय्वोः समकालमेव।
अमर्त्यभावेऽपि कयोश्चिदासीदेकाप्सरःप्राथितयोविवादः॥५३॥

व्यूहावुभौ तावितरेतरस्माद् भङ्गं जयं चापतुरव्यवस्थम्।
पश्चात्पुरोमारुतयोः प्रवृद्धौ पर्यायवृत्येव महार्णवोर्मी॥५४॥

परेण भग्नेऽपि बले महौजा 'ययावजः प्रत्यरिसैन्यमेव।
धुमो निवत्र्येत समीरणेन यतस्तु कक्षस्तत इव वह्निः ॥५५॥

रथी निषङ्गी कवची धनुष्मान् दृप्तः स राजन्यकमेकवीरः।
निवारयामास महावराहः कल्पक्षयोवृत्तमिवार्णवाम्भः॥५६॥

स दक्षिणं तृणमुखे च१ वामं व्यापारयन् हस्तमलक्ष्यताजौ।
आकर्णकृष्टा सकृदस्य योद्धुमौर्वांव बाणान् सुषुवे रिपुघ्नान् ॥५७॥

स रोषदष्टाधिकलोहितौष्ठव्यक्तोर्ध्वरेखा भुकुटीर्वहभिः।
तस्तार गां भल्लनिकृत्तकण्ठेहुंकारगर्भेद्विषतां शिरोभिः ॥५८॥

सर्वैर्बलाङ्गद्विरदप्रधानैः सर्वायुधैः कङ्कटभेदिभिश्च।
सर्वप्रयत्नेन च भूमिपालास्तस्मिन् प्रजह युधि सर्व एव॥५९॥

सोऽस्त्रव्रजेश्छन्नरथः परेषां ध्वजाग्रमात्रेण बभूव लक्ष्यः।
नीहारमग्नो' दिनपूर्वभागः किचित्प्रकाशेन विवस्वतेव॥६०॥
----------------------------
१. मुखेन म.

...Prev | Next...