तस्य मार्गवशादेका वभूव वसतिः सतः।
रथस्वनोत्कण्ठमृगे वाल्मीकीये. तपोवने॥११॥

तमृषिः पूजयामास कुमारं क्लान्तवाहनम्।
तपःप्रभावसिद्धाभिर् , विशेषप्रतिपत्तिभिः ॥१२॥

तस्यामेवास्य यामिन्यामन्तर्वत्नी प्रजावती।
सुतावसूत संपन्नौ कोशदण्डाविव क्षितिः ॥१३॥

संतानश्रवणाद् भ्रातुः सौमित्रिः सौमनस्यवान्।
प्राञ्जलिमु निमामन्त्र्य प्रातयुक्तरथो ययौ ॥१४॥

स च प्राप मधूपघ्नं कुम्भीनस्याश्च कुक्षिजः।
वनात् करमिवादाय सत्त्वराशिमुपस्थितः ॥१५॥

धूमधूम्रो वसागन्धी ज्वालावभ्र शिरोरुहः।
क्रव्यागणपरीवारश्चिताग्निरिव जङ्गमः॥१६॥

अपशूलं तमासाद्य लवणं लक्ष्मणानुजः।
रुरोध. संमुखीनो हि जयो रन्ध्रप्रहारिणाम्॥१७॥

नातिपर्याप्तमालक्ष्य मत्कुक्षेरद्य भोजनम्।
दिष्ट्या त्वमसि मे धात्रा भीतेनेवोपपादितः॥१८॥

इति संतज्यं शत्रुघ्नं राक्षसस्तज्जिघांसया।
प्रांशुमुत्पाटयामास मुस्तास्तम्वमिव द्रुमम्॥१९॥

सौमित्रेनिशितैबणैरन्तरा शकलीकृतः।
गात्रं पुष्परजः प्राप न शाखी नैऋतेरितः॥२०॥

...Prev | Next...