तस्मिन विधानातिशये विधातुः कन्यामये नेत्रशतैकलक्ष्ये।
निपेतुरन्त:करणैर्नरेन्द्रा · देहैः स्थिताः केवलमासनेषु॥११॥

तां प्रत्यभिव्यक्तमनोरथानां महीपतीनां प्रणयाग्रदूत्यः।
प्रवालचेष्टा१ इव पादपानां शृङ्गारचेष्टा विविधा बभूवुः॥१२॥

कश्चित् कराभ्यामुपगूढनाल मालोलपत्राभिहतद्विरेफम्।
रजोभिरन्तःपरिवेषवन्धि लीलारविन्दं भ्रमयाञ्चकार॥१३॥

विस्रस्तभंसादपरो विलासी रत्नानुविद्धाङ्गदकोटिलग्नम्।
प्रालम्वमुत्कृष्य यथावकाशं निनाय साचीकृतचारुवक्त्रः॥१४॥

आकुञ्चिताग्राङगुलिना ततोऽन्यः किंचित्समावजितनेत्रशोभः।
तिर्यग् विसंसपनखप्रभेण पादेन हैमं विलिलेख पीठम् ॥१५॥

निवेश्य वामं . भुजमासनाचें तत्संनिवेशदधिकोन्नतांसः।
कश्चिद् विवृत्तत्रिकभिन्नहारः सुहृत्समाभाषणतत्परोऽभूत्॥१६॥

विलासिनीविभ्रमदन्तपत्रमापाण्डुरं केतकबर्हमन्यः।
प्रियानितम्बोचितसंनिवेशैवपाटयामास युवा नखाग्रेः॥१७॥

कुशेशयाताम्रतलेन कश्चित् करेण रेखाध्वजलाञ्छनेन।
रत्नाङ्गुलीयप्रभयानुविद्धानुदोरयामास सलीलमक्षान्॥१८॥

कश्चिद् यथाभागमवस्थितेऽपि स्वसंनिवेशाद् व्यतिलङ्घिनीव।
वज्रांशुगर्भाङ्गुलिरन्ध्रमेकं व्यापारयामास करं, किरीटे॥१९॥
--------------------
१. शोभा म.

...Prev | Next...