यवनीमुखपद्मानां सेहे मधुमदं न सः।
बालातपमिवाब्जानामकाल-जलदोदयः ॥६१॥

संग्रामस्तुमुलस्तस्य पाश्चात्यैरश्वसाधनैः।
शाङ्ग कूजितविज्ञेयप्रतियोधे रजस्यभूत् ॥६२॥

भल्लापवर्जितस्तेषां शिरोभिः श्मश्रुलैर्महीम्।
तस्तार सरधाव्याप्तः स क्षौद्रपटलैरिव॥६३॥

अपनीतशिरस्त्राणाः शेषास्तं ' शरणं ययुः।
प्रणिपातप्रतीकारः संरम्भो हि महात्मनाम् ॥६४॥

विनयन्ते स्म तद्योधा मधुभिर्विजयश्रमम्।
आस्तीर्णाजिनरत्नासु द्राक्षावलयभूमिषु ॥६५॥

ततः प्रतस्थे कौवेरी भास्वानिव रघुर्दिशम्।
शरैरुखैरिवोदीच्यानुद्धरिष्यन् रसानिव॥६६॥

विनीताध्वश्रमास्तस्य१ वक्षुतीरविचेष्टनैः।
दुधुवुर्वाजिनः स्कन्धाँल्लग्नकुङ्कुमकेसरान्॥६७॥

तत्र हुणावरोधानां भतृषु व्यक्तविक्रमम्।
कपोल-2 पाटनादेशि बभूव रघुचेष्टितम्॥६८॥

काम्बोजाः समरे सोढुं तस्य वीर्यमनीश्वराः
गजालानपरिक्लिष्टरक्षोटैः सार्धमानताः ॥६९॥

तेषां सदश्वभूयिष्ठास्तुङ्गा द्रविणराशयः।
उपदा विविशुः शश्वप्नोत्सेकाः कोसलेश्वरम्॥७०॥
-----------------------
१. वेङ्कू-, वक्षु-, पा० सिन्धु म.
२. पाटला पा. मृतभर्तृकाणां कपोलपाटनं हूणजातिरितीतिहासविदः।

...Prev | Next...