पञ्चानामपि भूतानामुत्कर्ष पुपुषुर्गुणाः।
नवे तस्मिन् महीपाले सर्वं नवमिवाभवत् ॥११॥

यथा प्रह्लादनाच्चन्द्रः प्रतापात् तपनों यथा।
तथैव सोऽभूदन्वर्थों राजा प्रकृतिरञ्जनात् ॥१२॥

कामं कर्णान्तविश्रान्ते विशाले तस्य लोचने।
चक्षुष्मत्ता तु शास्त्रेण सूक्ष्मकार्यार्थदशिना॥१३॥

लब्धप्रशमनस्वस्थमथैनं समुपस्थिता।
पार्थिवश्रीद्वितीयेव शरत् पङ्कजलक्षणा॥१४॥

निवृष्टलघुभिर्मेधैर्मुक्तवत्र्मा सुदुःसहः।
प्रतापस्तस्य भानोश्च युगपद् व्यानशे दिशः॥१५॥

वार्षिक संजहारेन्द्रो धनुर्जेत्रं रघुर्दधौ।
प्रजार्थसाधने तौ हि पर्यायोद्यतकामुकौ॥१६॥

पुण्डरीकातपत्रस्तं विकसत्काशचामरः।
ऋतुविडम्बयामास न पुनः प्राप तच्छ्यिम्॥१७॥

प्रसादसुमुखे तस्मिश्चन्द्रे च विशदप्रभे।
तदा चक्षुष्मतां प्रीतिरासीत् समरसा द्वयोः ॥१८॥

हंसश्रेणीषु तारासु कुमुद्द्वत्सु च वारिषु।
विभूतयस्तदीयानां पर्यस्ता यशसामिव॥१९॥

इक्षुच्छायनिषादिन्यस्तस्य गोप्तुर्गुणोदयम्।
आकुमारकथोद्घातं शालिगोप्यो जगुर्यशः॥२०॥

...Prev | Next...