अकाले बोधितो भ्रात्रा प्रियस्वप्नो वृथा भवान्।
रामेषुभिरितीवासौ दीर्घनिद्रां प्रवेशितः॥८१॥

इतराण्यपि रक्षांसि पेतुर्वानरकोटिषु।
रजांसि समरोत्थानि तच्छोणितनदीष्विव॥८२॥

निर्ययावथ पौलस्त्यः पुनर्युद्धाय मन्दिरात्।
अरावणमरामं वा जगदद्येति निश्चितः॥८३॥

रामं पदातिमालोक्य लशं च वरूथिनम्।
हरियुग्यं रथं तस्मै प्रजिघाय पुरन्दरः॥८४॥

तमाधूतध्वजपटं व्योमगङ्गोमवायुभिः।
देवसूतभुजालम्बी जैत्रमध्यास्त राघवः॥८५॥

मातलिस्तस्य महेन्द्रमामुमोच तनुच्छदम्।
यत्रोत्पलदलक्लैब्यमस्त्राण्यापुः सुरद्विषाम्॥८६॥

अन्योन्यदर्शनप्राप्तविक्रमावसरं चिरात्।
रामरावणयोर्युद्धं चरितार्थमिवाभवत्॥८७॥

भुजमूर्धारुबाहुल्यादेकोऽपि धनदानुजः।
ददृशे ह्ययथापूर्वो मातृवंश इव स्थितः१ ॥८८॥

जेतारं लोकपालानां स्वमुखैरर्चितेश्वरम्।
रामस्तुलितकैलासमराति बह्वमन्यत॥८९॥

तस्य स्फुरति : पौलस्त्यः सीतासंगमशंसिनि।
निचखानाधिकक्रोधः शरं सव्येतरे भुजे॥९०॥
-----------------------------------------
१. अव्यक्तार्थमिदम्। मातृवंशस्थितत्वेन किं न्वत्र विवक्षितमिति विचार्यम्।

...Prev | Next...